देश
मुंबईतील शिक्षकाकडे सापडल्या १ हजाराच्या नोटा
- 94 Views
- February 11, 2020
- By admin
- in देश, समाचार
- 0 Comments
- Edit
चलनातून बाद झालेल्या एक हजाराच्या २ हजार ३०० नोटांसह मुंबईतील एका शिक्षकाला ठाणे गुन्हे शाखेने (युनिट १) ताब्यात घेतले. या शिक्षकाविरुद्ध वर्तकनगर पोलीस ठाण्यात अदखलपात्र गुन्ह्याची नोंद करण्यात आली आहे.
चलनातून रद्द केलेल्या एक हजाराच्या नोटा बदली करण्यासाठी काही व्यक्ती ठाण्यात पश्चिम द्रुतगती महामार्गालगतच्या सर्व्हिस रोडजवळ येणार असल्याची माहिती गुन्हे शाखेला मिळाली होती. त्यानुसार वरिष्ठ पोलीस निरीक्षक नितीन ठाकरे यांच्या पथकानं ४५ वर्षीय शिक्षकाला ताब्यात घेतलं. मुंबईतील साकीनाका परिसरात हा शिक्षक राहत असून, त्याच्याकडे एक हजाराच्या २३०० नोटा सापडल्या. या प्रकरणी शिक्षकाचा जबाब नोंदवून घेण्यात आला आहे. हा शिक्षक खासगी क्लासमध्ये शिकवत असल्याची माहिती पोलीस उपनिरीक्षक दत्तात्रय सरक यांनी दिली. शिक्षकाला अटक करण्यात आले नाही. चौकशी करून सोडून देण्यात आले आहे, अशी माहितीही त्यांनी दिली.