देश
संपूर्ण लॉकडाउनची घोषणा आजच होणार?; अस्लम शेख यांचे संकेत
करोना रुग्णसंख्येच्या वाढीच्या पार्श्वभूमीवर राज्यात संपूर्ण लॉकडाउन करण्याची पूर्ण तयारी राज्य सरकारनं केली असून तशी घोषणा आजच केली जाण्याची शक्यता आहे. मुंबईचे पालकमंत्री अस्लम शेख यांनी आज तसे संकेत दिले आहेत.
करोनाच्या वाढत्या परिस्थितीला लॉकडाउनशिवाय पर्याय नसल्याचं सर्वच अधिकाऱ्यांचं आणि डॉक्टरांचे म्हणणं आहे. त्यामुळं लॉकडाउन करण्याबाबत राज्य सरकारचा निर्णय जवळपास झाला आहे. हा लॉकडाउन कधी करायचा याबाबत कालपर्यंत चर्चा सुरू होती. मात्र, रुग्णसंख्या झपाट्यानं वाढत असल्यानं अधिक वेळ दवडण्यात अर्थ नसल्याचं सरकारचं मत बनलं आहे. त्यामुळं संपूर्ण लॉकडाउनची घोषणा आजच होण्याची शक्यता आहे. मुख्यमंत्री उद्धव ठाकरे हे आजच लॉकडाउनच्या संदर्भातील नियमावली जाहीर करू शकतात, असं अस्लम शेख यांनी सांगितलं.
‘करोनाचा संसर्ग थोपवायचा असेल तर संसर्गाची साखळी तोडणं गरजेचं आहे. त्यासाठी लॉकडाउन आवश्यक आहे. लोकांना विश्वासात घेऊन राज्यात हा निर्णय घेण्याचा सरकारचा प्रयत्न आहे. त्यासाठी काही गाईडलाईन्स ठरवल्या जात आहेत. आज या गाइडलाइन्स तयार होतील. त्यानंतर मुख्यमंत्री व राज्य मंत्रिमंडळ त्यावर निर्णय घेतील. बहुधा आजच या गाईडलाईन्स जारी होतील,’ असं अस्लम शेख म्हणाले.
लॉकडाउनची घोषणा आज झाली तरी ते प्रत्यक्षात लागू कधी होणार याबाबत अद्याप संभ्रम आहे. गुढीपाडवा आणि डॉ. बाबासोहब आंबेडकर जयंती झाल्यानंतर गुरुवारी संध्याकाळपासून लॉकडाउन लागू करण्याचा राज्य सरकारचा विचार आहे. गुरुवारी संध्याकाळी साडेपाच वाजेपर्यंत पंढरपूर शहरातील पोटनिवडणुकीसाठीचा प्रचारही संपणार आहे. त्यामुळं गुरुवारी संध्याकाळपासून लॉकडाउन लागू होईल, असं बोललं जात होतं आहे. १५ एप्रिल ते ३० एप्रिल असा लॉकडाउनचा कालावधी असू शकतो. १ मे रोजी सरकारी सुट्टी असल्याने २ मे पासून पुन्हा राज्यातील परिस्थिती पूर्ववत करता येऊ शकते. मात्र, विरोधकांची तयारी न दर्शविल्यास लॉकडाउनचा कालावधी कमी होण्याची शक्यताही वर्तवली जात आहे.
Service Unavailable
The server is temporarily unable to service your request due to maintenance downtime or capacity problems. Please try again later.
Additionally, a 503 Service Unavailable error was encountered while trying to use an ErrorDocument to handle the request.