देश
महिलेची एक लाखाची ऑनलाइन फसवणूक
नामांकित कंपनीमध्ये नियुक्ती झाली असून ऑनलाइन १०० रुपये फी भरण्यास सांगून नंतर डेबिट, क्रेडिट कार्डमधून तसेच बँक खात्यातून एक लाखापेक्षा अधिक रक्कम काढून आरोपींनी ठाण्यातील एका महिलेची फसवणूक केल्याचा प्रकार समोर आला आहे. या फसवणुकीप्रकरणी वर्तकनगर पोलिस ठाण्यात गुन्हा दाखल करण्यात आला आहे.
ठाण्यातील लोकमान्यनगर पाडा नंबर तीनमध्ये राहणारी ही महिला खासगी नोकरी करते. सध्या ती नवीन नोकरीचा शोध घेत असून तीने नोकरीसाठी ऑनलाइन नोंदणी केली आहे. एक दिवस तिला आकाश शर्मा याचा फोन आला. शर्मा याने एका नामांकित कंपनीमध्ये तुमची नियुक्ती झाली आहे. मी पाठवलेल्या लिंकवर आपली माहिती भरून शंभर रुपये ऑनलाइन फी भरण्यास महिलेले सांगितले. त्यानंतर महिलेने आवश्यक माहिती भरुन क्रेडिट कार्डवरून ऑनलाईन फी भरली. आणि महिलेच्या क्रेडिट कार्डवरून १९ हजार ७८९ रुपये डेबिट झाल्याचे महिलेला मेसेज आला. त्यामुळे महिलेने शर्मा याला याविषयी विचारले असता, यंत्रणेमध्ये काहीतरी समस्या निर्माण झाली आहे. पैसे तुम्हाला परत पाठवले जातील असे त्याने सांगितले. मात्र आणखीन क्रेडिट कार्डवरून पैसे डेबिट झाले. तसेच डेबिट कार्डवरूनही पैसे काढण्यात आले असून असून या महिलेच्या बँक खात्यातील रकमेवरही डल्ला मारण्यात आला आहे. अशा प्रकारे एकूण १ लाख २ हजार २९८ रुपये परस्पर काढत आरोपींनी महिलेची फसवणूक केली आहे.
महिलेने तात्काळ बँकांच्या ग्राहक सेवा केंद्राला फोन करून कार्ड ब्लॉक केले. याबाबत महिलेने शर्मा याला फोन करण्याचा प्रयत्न केला. मात्र, फोन लागला नाही. परंतु, महिलेने दुसऱ्या क्रमांकावरून फोन केल्यानंतर आकाशने फोन घेत पैसे परत करण्याचे आश्वासन दिले. तसेच त्याने एचआर मॅनेजरचा नंबर दिला. मात्र, त्याचाही फोन लागत नसल्याने फसवणूक झाल्याचे लक्षात आल्यानंतर महिलेने वर्तकनगर पोलिस ठाण्यात धाव घेत तक्रार दाखल केली.
Service Unavailable
The server is temporarily unable to service your request due to maintenance downtime or capacity problems. Please try again later.
Additionally, a 503 Service Unavailable error was encountered while trying to use an ErrorDocument to handle the request.