देश
नितीन देसाईंच्या अंत्यदर्शनाला बॉलिवूडकरांनी फिरवली पाठ, मराठी कलाकारांनी दाखवली माणुसकी
प्रसिद्ध कला दिग्दर्शक नितीन चंद्रकांत देसाई यांच्यावर आज ४ ऑगस्ट रोजी त्यांच्या एनडी स्टुडिओमध्ये अंत्यसंस्कार केले जाणार आहेत. याआधी अंत्यदर्शनासाठी त्यांचं पार्थिव स्टुडिओमध्येच ठेवण्यात आले. यावेळी बॉलिवूडमधून फक्त मधुर भांडारकर यांनीच पार्थिवाचं दर्शन घेतलं. मात्र एका गुणी कलाकारासाठी संपूर्ण मराठी सिनेसृष्टी एकवटलेली दिसली. रवी जाधव, सोनाली कुलकर्णी, सुबोध भावे, अविशान नारकर, मानसी नाईक, माधव देवचाके, अभिजित केळकर अशा अनेक कलाकारांनी नितीन देसाई यांचं अंत्य दर्शन घेतलं.
तर बॉलिवूडमधून अजूनपर्यंत एकही मोठा स्टार अंत्यदर्शनाला आलेला दिसला नाही. दरम्यान, यावेळी नितीन यांचं कुटुंब आणि त्यांचे कर्मचारी यांना अश्रू अनावर झाले. नितीन यांच्या पश्चात पत्नी, दोन मुली, एक मुलगा, एक जावई असा संसार आहे. नितीन गेली काही वर्ष आर्थिक अडचणींचा सामना करत होते. त्यांनी १८० कोटींचं कर्ज काढलं होतं. त्याचं व्याज पकडून हे कर्ज २५० कोटींहून अधिक होतं.
२०१८ मध्ये काढलेल्या या कर्जाचे हफ्ते २०२० पासून देण्यास नितीन यांना अडचणी येत होत्या. मात्र अखेर आपण कष्टाने उभा केलेल्या या एनडी स्टुडिओवर जप्ती येणार याची जाणीव झाल्यावर नितीन यांनी मरणाला जवळ केलं. यावेळी त्यांनी ११ ऑडिओ रेकॉर्डिंगही केल्या, ज्यात त्यांची झालेली फसवणुक आणि त्यामुळे त्यांना सहन कराव्या लागलेल्या मानसिक त्रासाबद्दल त्यांनी सांगितले. तसेच एनडी स्टुडिओ सरकारने आपल्या ताब्यात घ्यावा अशी इच्छाही त्यांनी व्यक्त केली.
Service Unavailable
The server is temporarily unable to service your request due to maintenance downtime or capacity problems. Please try again later.
Additionally, a 503 Service Unavailable error was encountered while trying to use an ErrorDocument to handle the request.